0 دقيقة
0 دقيقة
0
المقادير
انهاردة هقدملكم طاجن سمك فى الفرن وممكن تستخدم انواع كتير من السمك فياريت تجربوة وتقولولى رأيكم وبالهنا :
المقادير:
ك سمك مقطع جزل(بياض-وقار-قاروص-لوت -ثعابين-موسى-
هامور……….
اي سمك حجمو كبير شويه وشوكو مش كتير وكمان الجمبري
والسوبيا و السبيط)
ك بصل مقطع جوانح-كطماطم “نقطع 2 شرائح ونعصر الباقي”
ثوم-ملح-بهار سمك-زيت -مقدار دقيق لتحمير السمك.
الطريقه:
-ننظف السمك ونغسله “حسب النوع”يعني لو جمبري يتقشر.
-يتبل السمك ويجهز للقلي بالطريقه العاديه يعني يغطى بالدقيق
ويقلى في الزيت , بالنسبه للجمبري والكاليماري يشوح فقط في معلقه
زيت مع البصل.
-بعد ماتطلع السمك اللي قليناه يترك جانبا ونبدأ بعمل الصلصه
– توضع كميه مناسبه من الزيت ويشوح فيها البصل “الكميه كلها حتى يشقر نضيف معلقه ثوم مفري وقبل ما الثوم يحمر نضيف الطماطم المعصوره الى ان تتسبك نضيف الملح والبهار
-نضع نصف الصلصه في طاجن غويط و نرص عليها السمك وشرائح الطماطم
-نغطي السمك بباقي الصلصه وتدخل الفرن لمده نصف ساعه
نخرجها من الفرن ونقدمها مع رز صياديه والسلاطات