221
-
وقت التحضير :120
دقيقة -
وقت الطهي : 20
دقيقة - عدد الاشخاص :1
قلب ستيك وصفة لذيذة جدا وسهلة، أكلة خفيفة خالية من الذهنيات تلائم الأشخاص الذين يتبعون حمية.
المقادير
- 1x معلقة صغيرة قرفة (او واحده قرفه عود)
- 1x كوب خل
- 1x معلقة صغيرة فلفل اسود مطحون
- 1x معلقة صغيرة سكر
- 1x عدد قلب بقري (يفضل طازة ماتجمدش)
- 1x معلقة كبيرة زيت ذرة
- 1x معلقة صغيرة ملح خشن
الخطوات
- قطع القلب بسكينه حاميه شرايح سميكه على حوالى 5 قطع
- جيب طبق غويط و حط الشرايح فيه و خرمهم بالسكينه و حط عليهم الملح و الفلفل و الخل , و سيبهم منقوعين من ساعة لساعتين.
- هتلاقي الطبقه الخارجية بدأت لونها يبقي ابيض شويه. كده تمام شيله من الخل.
- حط الطاسه على نار عاليه لحد ماتسخن جدا و بعدين ضيف الزيت
- استني نص دقيقه و حط الشرايح بحذر. هتعمل صوت جامد. تمام كده صح
- اقلبهم عالناحيه التانيه و النار لسه عاليه بعد دقيقه. و حط القرفه و السكر
- حركه فى الطاسه بشوكه لحد ماياخد لون حلو مع السكر دقيقتين او 3 كمان
- وطى النار خالص و غطيهم و بعد 5 دقايق اقلبهم الناحيه التانيه و سيبهم 5 دقايق كمان
- على النار خليها متوسطه و شيل الغطا لحد ما الماء يتبخر وشوح شرائح اللحم شوية.. كده تمام
Source: Ukkla.com