أسهل طريقة لقمر الدين وأرخص من الجاهز

المقادير

• 2 كيلو مشمش مقطع
• 1 كيلو سكر
• 1 كوباية ماية
• نص كوباية عسل جلوكوز
• 2 معلقة كبيرة ملح ليمون
• زيت
• ورق سلوفان

خطوات التحضير

1. حطي المشمش والماية في حلة على النار وقلبي كويس.
2. سيبيه على نار هادية ساعة الا ربع لحد ما يغلي وتحسي انه اتهرى.
3. خليه شوية يستهدى، وبعدين اضربيه في الخلاط كويس قوي لحد ما ينعم.
4. رجعيه على النار كمان مرة وحطي السكر وعسل الجلوكوز وقلبي تاني لحد ما يغلي.
5. وطي النار، وحطي الملح، وسيبيه لحد ما يتقل.
6. حطي ورق السلوفان في صينية وادهنيه بالزيت.
7. صبي قمر الدين على الورق المدهون وخليه يبقى رقيق خالص.
8. اعملي كل الكمية، وغطيه بورقة سلوفان مدهونة بردو، وخليه لحد ما يستهدى.
9. حطيه في مكان هواء أو في الثلاجة لحد ما يتماسك.
10. وبصحة وهنا.