اسهل طريقة لاحلى مندي فراخ

المقادير

• فرخة
• 2 كوباية رز بسمتي
• بصلة مفرومة
• فصين توم مفرومين
• فلفلة مقطعة
• عودين قرفه
• 5 فصوص حبهان
• 5 قرنقل صحيح
• 4 ورق لورى
• ربع كوبايه زيت
• معلقه صغيره كركم
• عصير لمونه
• معلقتين خل
• ملح
• فلفل
• رشه جنزبيل بودر
• رشه قرفه
• رشة كارى
• رشه توم بودر
• معلقه زبادى
• زيت

خطوات التحضير

1. نحط الزيت والكركم وعصير اللمون وخل وملح وفلفل وجنزبيل وقرفه وكارى وتوم بودر وزبادى ويتقبل كله مع بعض ويتبل بيه الفراخ من فوق وتحت الجلد ونسبها ساعتين وممكن نشتغل ع طول.
2. ف الصينيه نحط زيت وننزل بالبصل والتوم تقلبتين ونحط القرفة والحبهان والقرنفل واللورا، ونقلب.
3. نحط الميه وتبقى اقل من معيار الرز يدوب تغطى الرز بشويه.
4. بعدين نحط الرز ونظبط الملح والفلفل الاسود.
5. نحط الفراخ ونغطى الصينيه بطبقتين فويل ونخرمها بالسكينه
6. تدخل الفرن ساعه، اول نص ساعه نار عاليه، وبعدين نوطى.
7. وف الاخر نشغل الشوايه للفراخ.
8. اهم حاجة منزودش الميه عشان ميعجنش لانه هيستوى ع البخار انا حطيت ع الكوبيتين رز 3 كوبيات ميه.
9. ولما نشيل الفويل نقلب الرز عشان يبقى لونين الا تحت هيبقى ابيض والا فوق اصفر من صوص الفراخ.
10. نغرف الرز كله في الطبق، ونحط فوقه الفراخ.
11. وبصحة وهنا.