237
وقت التحضير
0 دقيقة
وقت الطهي
0 دقيقة
عدد الافراد
0
يعتبر الكريب نوع من أنواع المعجنات، ويمكن حشيه بالكثير من الحشوات، ومن أبرزها الشوكولاتة وخاصة النوتيلا، والخضار بمختلفة أنواعها، وباللحم المفروم المتبل، والفراخ السادة أو مع الخضار أو بصلصة البشاميل.
المقادير
- 10 قطع رقاق طري
- ربع كيلو بانيه محمر
- كوباية جبنة رومي مبشورة
- كوباية جبنة موزاريلا
- فلفل الوان مقطع
- زيتون اخضر واسود شرائح
خطوات التحضير
- نجيب الرقاق، ونطبقه نصين، وندهنه بالمايونيز.
- نحط على الثلث البانيه وفوقيه الفلفل والزيتون والجبنات.
- نلفه على شكل مثلث علشان يبقى زي الكريب.
- نجيب طاسة تيفال ونحط فيها زيت خفيف قوي، ونسيبها تسخن كويس، وممكن علشان يكون الكريب مقرمش وطعمه لذيذ ندهنه بلبن خفيف قبل ما نحطه في الطاسة.
- يتحط في الطاسة على نار هادية علشان ياخد لون حلو وكمان علشان الجبنة تسيح كويس وتمط ونقلبه كمان على الوش التاني علشان يبقى كله لون واحد.
- وبصحة وهنا.
Source: Shamlola.com