طريقة عمل ساندويتش الآيس كريم

المقادير

عملتلكم انهاردا ساندويتش الآيس كريم سهل جداا وهيعجبكم
المقادير
2 عدد صفار بيضة
2 كوب (140 جرام) دقيق
1 ½ كوب (140 جرام) سكر
1 كوب (140 جرام) ايس كريم (النوع اللي تفضليه)
1 كوب (140 جرام) زبدة
1 معلقة صغيرة فانيليا
½ كوب (140 جرام) كاكاو
¼ معلقة صغيرة ملح
الطريقة
هنسخن الفرن على درجة حرارة 180
هننخل الدقيق والكاكاو والملح كويس فى بولة ونسيبهم على جنب.
فى بولة تانية هنضرب السكر والزبدة كويس بمضرب بيض كهربائى لحد ما يتجانسوا كويس.
هنضيف صفار البيض والفانيليا لخليط الزبدة مع الاستمرار فى الخفق لحد ما الخليط يتجانس تماما.
هنخفض سرعة المضرب ونستمر فى الخفق مع اضافة الدقيق بالتدريج لحد ما العجين يتماسك كويس وبعد كده هنقسم العجينة نصفين و نشكلهم على شكل مستطيل.
هنلف العجين فى بلاستيك ويدخل الثلاجة لمدة 20 دقيقة.
هنفرد العجين بالنشابة ونقطعه على شكل مستطيلات.
باستخدام عود خشبى (خلة) هنعمل ثقوب فى العجين على مسافات متساوية.
هنرص قطع العجينة على ورق زبدة فى صينية وتدخل الفرن على درجة حرارة 180 لمدة 15 دقيقة.
بعد ما يخرج البسكوت من الفرن هنسيبه يبرد شوية وننقله فى طبق ونسيبه يبرد تماما.
باستخدام سكينة حادة هنقسم الأيس كريم لقطع مستطيلة بنفس حجم قطع البسكوت وهنضيف طبقة من الأيس كريم بين طبقتين من البسكوت لعمل الساندويتش.
هنلف كل ساندويتش بالبلاستيك ويدخل الفريزر لمدة نصف ساعة وبعدها يقدم.. بالهنا والشفا

خطوات التحضير