كيكتي الناجحة جدااااا والطعم راائع

المقادير

• 2 كوباية دقيق منخولين
• كوباية سكر
• كوباية زيت
• نص كوباية حليب
• 3 معالق كبار زبادي
• كيس كريم شانتيه
• بيضتين
• معلقتين فانيليا صغيرين
• معلقتين صغيرين بيكينج باودر
• معلقة خل
• الطريقه لصينيه متوسطه

خطوات التحضير

1. بيضتين وعليهم معلقتين فانيليا صغيرين ومعلقة خل صغيرة واضربيهم في الخلاط.
2. حطى عليهم كوباية سكر واضربي شويه.
3. بعدين كوباية زيت واضربي تاني.
4. عليهم 3 معالق كبار زبادى ونص كوباية حليب وكيس كريم شانتيه واضربي كويس.
5. حطى بقي عليهم الدقيق والبيكنج بودر.
6. قلبي بالمعلقه في اتجاه واحد.
7. حطيها فى صنيه مدهونه زيت وعليها رشة دقيق ودخليها فرن والمفروض تكونى مولعه الفرن على نار هادئة فوق وتحت قبل ما تبدأى.
8. دخليها الفرن ومتفتحيش قبل تلت ساعه ومتخرجهاش من الفرن الااما تختبريها بخله او حرف سكينه لو مستوتش سبيها واختبريها تانى لحد اما تستوى.
9. وبصحة وهنا.