92
-
وقت التحضير :10
دقيقة -
وقت الطهي : 20
دقيقة - عدد الاشخاص :2
جبنة البارميزان عنصر مهم في المطبخ الإيطالي حيث يتم إنتاجها في إيطاليا وسمية بهذا الإسم نسبة إلى مدن “بارما” و” يجيو” و يتم إنتاجها من حليب البقر أو حليب الماعز ،لهذا فهي تحتوي على نسبة عالية من البروتين والكالسيوم والفيتامينات ، وتقدم هذه الجبنة مع العديد من الأطباق الرئيسية . واخترنا لكم اليوم طبق ناجتس الدجاج بجبنة البارميزان .
المقادير
- 2x عدد بيضة (مخفوقة)
- 2x عدد صدور دجاج مخلية (مقطعة مكعبات)
- 2x كوب زيت قلي
- 1x معلقة صغيرة ملح (أو حسب الرغبة)
- 1x كوب دقيق
- 1x كوب بقسماط مطحون
- 0.5x كوب جبنة بارميزان
- 0.5x معلقة صغيرة بصلة مفرومة
- 0.5x معلقة صغيرة فلفل اسود مطحون (أو حسب الحاجة)
الخطوات
- هنضرب مكعبات الدجاج فى الخلاط لحد ما نحصل على قوام ناعم.
- فى بولة هنضيف الدجاج و نضيف عليه البصل والملح والفلفل ونقلب كويس جدا.
- فى بولة تانية هنخلط الجبنة البارميزان مع البقسماط.
- هنشكل عجينة الدجاج على شكل كرات صغيرة وهنحطها فى الدقيق وبعدين فى البيض المخفوق وبعدين فى خليط البقسماط والبارميزان, وبعد كده هنضغط على قطعة باليد بحيث تبقى مسطحة قليلا و هندخل قطع الناجتس الثلاجة حوالى نصف ساعة علشان البقسماط ميفكش مع القى.
- فى طاسة غويطة على النار هنسخن زيت غزير وهنقلى الناجتس لحد ما تتحول للون الذهبى.
- تقدم ساخنة مع صلصة الباربيكيو و الكاتشاب.. بالهنا والشفا.
Source: Ukkla.com