42
وقت التحضير
0 دقيقة
وقت الطهي
60 دقيقة
عدد الافراد
3
المقادير
- صدور بط بالجلد
- رشة ملح
- قرن فلفل أحمر حامى مقطع
- رشة فلفل أسود مطحون
- نص كوب شوربة فراخ (أو بط)
- 2 ملعقة كبيرة عسل
- 2 ملعقة كبيرة صوص صويا
- 2 ملعقة كبيرة خل عنب
- 1 ملعقة كبيرة زنجبيل طازجة مفروم
- 1 ملعقة كبيرة عصير طماطم (سميكة)
- رشة شطة حمراء
- 1 ملعقة كبيرة ليمون معصور
خطوات التحضير
- قومي بتسخين الفرن على درجة 200.
- بسكينة حامية اعملى اربع فتحات فى صدور البط بين الجلد والدهن اللى تحته وتحشيه بالملح وقطع الفلفل الحامى والفلفل الأسود.
- في طاسة على البوتاجاز على نار متوسطة شوحي صدور البط من ناحية الجلد إلى أن يبقى لون الجلد ذهبى شوية لمدة 5 دقايق.
- ثم تخلصي بالملعقة من الدهن اللى نزل من البط فى الطاسة وقلبى البط على الوش التانى لمدة دقيقة واحدة بس.
- بعد ذلك دخلى البط وهو فى الطاسة فى الفرن واتركيه إلى أن يستوى .
- اخرجيه من الفرن وغطيه بورق ألومنيوم وارفعي الدهون اللى نزلت من البط فى الطاسة.
- ضيفى فى الطاسة الشوربة و صوص الصويا و خل العنب والزنجبيل و صلصة الطماطم والشطة وعصير الليمون وتخلطيهم وتقلبيهم على نار عالية واتركي الطاسة تغلى لمدة دقيقتين.
- بعد ذلك قطعى صدور البط لشرائح دائرية رفيعة وتضيعها فى طبق التقديم وفوقها الصوص اللى فى الطاسة وفوقهم العسل .
Source: Shamlola.com