كشك بالأرز وقطع الدجاج

المقادير

• ½ كيلو صدور فراخ مسلوقة ومقطعة
• 3 ملعقة كبيرة أرز مغسول ومصفّى
• بصلة مقطّعة شرائح
• 2 ملعقة كبيرة دقيق
• 2 كوب شوربة فراخ
• ملعقة كبيرة زبدة
• 1½ كوب زبادي
• ½ كوب لبن
• عصير ليمونة

خطوات التحضير

1.  اخلطي الزبادي مع الدقيق  باستخدام المضرب اليدوي، ثم ضيفي عليهم اللبن تدريجيا مع الاستمرار في التقليب، وفي الآخر ضيفي عصير الليمون وقلّبيهم مع بعض ، واتركيهم حتى يختمروا.
2. احضرى مقلاة وشوّحي فيها البصل مع الزبدة، لغاية ما البصلة يبقى لونها بني، وبعد كده شيلي نصف كمية البصل من الحلة وسيبيهم على جنب لتزيين أطباق الكشك.
3.  اغلي الشوربة في اناء على النار،ثم ضيفي عليها الأرز، وغطّي الحلة واتركيهم مع بعض على نار متوسطة حتى يسوى الأرز، ثم ضيفي عليهم خليط الدقيق بالتدريج مع التقليب المستمر على نار هادية حتى يتماسك الخليط
4. ثم ضيفي نصف كمية البصل اللي موجودة في المقلاة وقطع الفراخ المسلوقة، وقّلبيهم مع بعض على النار، واتركيهم على نار هادية، واتأكدي إن الطعم مظبوط، وممكن تضيفي  ملح على حسب رغبتك.
5.  اغرفي الكشك في أطباق التقديم ثم زيّنيه بالبصل .