أحلى بيتزا بالجمبري

https://ouklat.b-cdn.net/wp-content/uploads/2020/12/c8720c9ed1c1638ee7f3005516d54cd06db6ad73-1.jpg
وقت التحضير

0 دقيقة

وقت الطهي

0 دقيقة

عدد الافراد

0

المقادير

  • كوب دقيق
  • عدد فص ثوم
  • 2 كوب ماء (دافى)
  • 2 معلقة صغيرة خميرة
  • كيس جبنة موزريلا
  • معلقة كبيرة سكر
  • فلفل أخضر حلو
  • 1 رشة ملح
  • كيلو جمبرى (مقشر)
  • حزمة زعتر
  • كيلو طماطم
  • 1 معلقة كبيرة زبدة
  • معلقة كبيرة زيت ذرة
  • معلقة كبيرة عسل نحل
  • معلقة صغيرة ملح
  • رشة فلفل اسود مطحون

خطوات التحضير

  1. هندفى الفرن لمدة 10 دقايق و نقفله.
  2. هنجيب طبق غويط و نحط فيه الخميرة و العسل و نص كوب ماء دافى و نقلبهم و نغطيهم و نسبهم فى الفرن الدافى من 20 دقيقة لساعة.
  3. هنجيب طبق و نحط فيه الدقيق و السكر و نص معلقة ملح و الخميرة و نعجنهم و نزود ميا دافيه شوية شوية لحد ماتبقي العجينه ماسكه كويس. ممكن نحطها فى العجانه تلت ساعة او نعجنها بايدنا اكتر وقت ممكن.
  4. و بعدين نغطيها و نسبها فى الفرن الدافى نصف ساعة.
  5. هنقطع الفلفل الأخضر بالسكينه الحامية شرايح رفيعه جدا .
  6. هنجيب الطماطم و نقشرها و نقطعها صغير . و هنشيل ورق الزعتر من الأعواد.
  7. بعدين نجيب طاسه و نحط فيها معلقة الزيت و رشة ملح و رشة فلفل أسود و الطماطم و معلقة كبيرة من الزعتر. و نسبها على نار هاديه تلت ساعة.
  8. هنطلع العجينه من الفرن و نسخنه على درجة حرارة عالية. و نتأكد ان الشبكة فى النص أو أقرب للجزء السفلى من الفرن.
  9. هنطلع العجينه من الطبق و نفردها فى الصاج.لحد ماتبقى متساوية. الفرد لو صعب و بتشد معاك و ترجع صغيرة تانى ده دليل انها معجونه كويس. افردها ماتستسلمش.
  10. هنفرم فصوص الثوم ناعم و نحط الزبده فى الطاسة و معاها الثوم و رشة صغيرا ملح. اول مالزبده تسيح هنطفى عليها و نفردها على العجينه.
  11. هنحط الجمبري على العجينة و بعدين نرش الصلصة عليها.
  12. هنضيف الفلفل و بعدين الجبن الموتزاريلا المبشورة و نرش فوق معلقة كبيرة زعتر
  13. هنحطها فى الفرن نص ساعة و نتأكد ان وشها أحمر, وبكده تبقى جاهزة للتقديم.
  14. ممكن نزود إضافات زى طماطم ناشفة, فلفل ألوان. بصل. زيتون أخضر. مشروم فريش. تكون متقطعه رفيع و تضاف مع اضافة الفلفل. و ممكن نبدل الزعتر الفريش بناشف أو نعناع أخضر و زيت زيتون. ممكن نخليها سبايسي بشطه حمرا على الصلصة او هوت صوص.
  15. وبصحة وهنا.
Source: Shamlola.com
قد يعجبك ايضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد