كفتة ضاني مشوية

المقادير

• ½ كيلو لحمة ضاني مفرومة
• 2 عود كزبرة خضراء مفرومة
• 2 عود نعناع أخضر مفروم
• بصلة متوسطة مفرومة
• حزمة بقدونس مفرومة
• ملعقة كبيرة بشر ليمون
• 3 ملعقة كبيرة بقسماط
• ملح وفلفل أسود
• بيضة مخفوقة
• زيت زيتون

خطوات التحضير

1.  اعصري البصل المفروم ، علشان ينزّل كل الميه اللي فيه، وبعدذلك اخلطي البصل مع اللحمة المفرومة والكزبرة والبقدونس والنعناع والملح والفلفل الأسود والبقسماط ، ثم ضيفي عليهم بشر الليمون والبيضة وقلبيهم مع بعض حتى يتجانسوا.
2. شكّلي الكفتة أصابع على الأسياخ وحطّيهم في صينية، وغطّيها ودخّليها الثلاجة لمدة ساعة.
3. ثم اخرجي الكفتة من الثلاجة وادهنيها بالزيت، وحطّي في الصينية فحمة صغيرة مشتعلة على قطعة سمنة علشان تعمل ريحة الشوي، ودخّلي الصينية في الفرن وافتحي عليها الشواية وسيبيها تستوي، وبعد كده طلّعيها من الفرن وضعيها في أطباق التقديم واعملي معاها سلطة طحينة أو سلطة خضراء.