اسهل طريقة لعمل قالب اللحمة المفروم بالفرن

المقادير

انهاردة بقى هقدملكم اكلة على الفطار حلوة جدا وكمان سهلة اوى وممكن تقدمى معها المكرونة او البطاطس المحمرة (قالب اللحمة المفروم بالفرن ) ياريت تجربوها وبالهنا 🙂
المقادير:
-نصف كيلو لحم مفروم
-بيضه
-ملح وفلفل اسود
-معلقتين بقسماط
-معلقتين أكل زيت ويمكن الأكتفاء بمعلقه
-بصله مبشوره،طماطمايه مبشوره،نص حبه فلفل اخضر رومي مبشوره،معلقتين طعام كزبره خضراء مفرومه
-كاتشب أو باربيكيو لدهن الوجه(يمكن الأستغناء عنهم)
الطريقه:
نجهز الخضار واللحم  وباقي المقادير وديه صور المقادير كلها
ن
نضع الخضار المفروم في وعاء ثم نضيف عليه اللحم المفرومه والملح والفلفل الأسود والزيت والبقسماط والبيضه ونقلبه جيدا
ثم نضعه في قالب توست بعد دهنه بالزيت وندهن وجهه بالباربيكيو او الكاتشب (انا استخدمت الباربيكيو) ثم ندخله الفرن من ساعه الا ربع الي ساعه
لمي يستوي نحمر وشه تحت الشوايه عشان ياخد لون حلو ولو استوي ولقيتي علي وشه ميه زياده ممكن تفضيها عادي وتحمري وشه
لمي تطلعيه من الفرن نسيبه يبرد خااالص(الخطوه ديه مهمه عشان نعرف نقطعه شرائح لو مش سبتيه يبرد مش هيتقطع شرايح وهيتفتت) وتقلبيه في طبق وتقطعيه شرايح وتقدميه

خطوات التحضير