شوربة البصل الفرنسية اللذيذة

المقادير

النهارده هقولكم طريقه سهلة اوى لشوربة البصل الفرنسية معروف ان الشوربات من الاساسيات على السفره لانها بتعطى المعدة الاستعداد لاستقبال الاكل فجربوها هتعجبكم اوى:)
المكونات :
بصلتين او ثلاث بصلات كبيرة الحجم
2 او 3 معالق كبيرة من زيت الطهي, ممكن تستخدمي زيت الزيتون او الزبدة ، او مزيج من الاتنين
ملح و فلفل اسود
نصف ملعقه من الزعتر البري المجفف مرقة اللحم البقري – بأمكانك استعمال مكعبات المرق الجاهزه
للزينة : شريحة واحدة من الخبز الفرنسي المحمص
ممكن كمان تحطي اي نوع من انواع الجبنة السهلة الدوبان زي الشيدر او الموتزريلا
الطريقه:
قلبي البصل في الزيت لحد ما يبقى لونه مائل الى اللون الذهبي الغامق ، ضيفي مرق اللحم ، ضيفي التوابل ، وسيبي المحتويات تغلى لبضع دقائق على حراره عاليه ثم اغليها ببطء على حراره متوسطه لمدة 20 دقيقة لحد ما تمتزج جميع النكهات
عند التقديم ، صبي الشوربة في صحن مقاوم لحرارة الفرن ، بايركس مثلا، واضيفي قطعة الخبز المحمص ،ثم رشي الجبن فوقها واشويها في الفرن لبضع دقائق حتى يصبح لونه ذهبي و الجبنة تدوب فيها .