طاجن مكرونة باللحمة المفرومة زي المحلات

المقادير

• نص كيلو مكرونة أقلام
• 2 كوباية عصير طماطم
• 2 كوباية ماية
• 2 بصلة مفرومة
• ملعقة صغيرة ثوم مفروم
• زيت
• ملح
• فلفل أسود
• شطة
• ربع كيلو لحمة مفرومة

خطوات التحضير

1. حمري البصل في الزيت لحد ما يبقى لونة بنى فاتح.
2. حطي الثوم وقلبيه كمان شوية وبعدين اللحمة المفرومة
3. ضيفي عصير الطماطم، وتبليه بالملح والفلفل الأسود والشطة، وسيبيه لحد ما يتسبك.
4. ادهني الطاجن زيت، وولعي الفرن على 180 .
5. حطي المكرونة على الصلصة من غير ما تسلقيها.
6. حطي عليه الماية وقلبي كويس.
7. وزعيهم على عدد الطواجن او طاجن واحد كبير، وغطيه بالفويل.
8. يدخل الفرن نص ساعة لحد ما تستوي.
9. طلعيها واقلبيه على طبق مسطح.
10. قدميها مع الدقة بتاعت الكشري.
11. وبصحة وهنا.