طريقة عمل المسقعة الصحية

المقادير

• ٢ حبة باذنجان كبير
• بصلة كبيرة
• ٤ حبات طماطم
• ٥ فصوص ثوم
• معلقة صغيرة ملح
• رشة فلفل أسود
• نصف معلقة صغيرة جنزبيل
•  ١/٤ معلقة صغيرة شطة
•  ١/٢ معلقة صغيرة كركم
• توم باودر (أو توم مهروس)

خطوات التحضير

1. نشوي الباذنجان في فرن سخن حرارة ٢٠٠ (٤٠٠ ف) لمدة ساعة و نسيبها تهدى على جنب.
2. نقطع البصل قطع رفيعه و نشوحه في طاسة سخنة على حرارة متوسطه لحد ما لونه يبدأ يصفر (٥ ل ٦ دقائق) … ممكن تشوحوه ببخاخ الزيت او بشوربة (كل ما يبدأ ينشف تزودوا معلقة شوربة) أو بمياه.
3. نقطع الطماطم مربعات صغيرة و نضيفها للبصل.
4. ننزل التوم بعد الطماطم على طول و نقلب.
5. نضيف التوابل و نقلبهم و نسيبهم يتجانسوا مع بعض لحد ما الطماطم تنزل ميتها و يبدأوا يتسبكوا.
6.  نضرب الصلصة في الخلاط و ننزلها تاني في الطاسة.(الخطوة دي اختيارية بس عندي مش بيحبوا البصل سليم في الاكل).
7.  نفتح الباذنجان من النص و نطلع كل اللي جواه و ننزله على الصلصة.
8.  نقلبهم لحد ما يتجانسوا مع بعض (دقيقتين تلاته ) و ندوقهم نتأكد من ملحهم و لو ناقص حاجه نظبطها.
9. ننزلهم في طبق التقديم ، وبصحة وهنا.